Knapsak vol Karoo: Ontsnap na ‘n Karoodorp

move 1In die 1950’s het die wolboom gekom.  Noem dié woorde aan enige veteraan Karooboer en sy of haar oë sal week raak van onthou.  Die Koreaanse Oorlog het ‘n dringende behoefte aan warm klere die stratosfeer ingestuur soos Amerikaanse soldate hierdie ysige landskap binnegedring het.  Wol het teen ‘n ‘pond vir ‘n pond’ verkoop.

Daar is mal stories uit hierdie tye.  Boere sou selfs wolpluisies wat van doringdraad afgepluk is, as betaling vir ‘n splinternuwe motor aanbied.

Swak smaak en overdaad het hoogty gevier.  Daar was ook geld genoeg om al jou kinders universiteit toe te stuur;  seker die eerste generasie Karooboere vir wie dít moontlik was.

Om hierdie en ander redes het kinders baie keer weggedryf uit die platteland na die stede en uiteindelik het Karoodorpies gekwyn onder die tekort aan intelektuele en ekonomiese kapitaal.  Teen die 1980’s was dinge so desperaat dat skole hul deure begin toemaak het.  Rugbylegende Danie Craven se seun George, wat naby Steytlerville bly, het ‘n stryd begin vir die oorlewing van Suid-Afrika se klein dorpies.

Hy het ROEP (Red Ons Eie Platteland) gestig.  Craven het gepoog om die belangstelling van stedelikes te prikkel om goedkoop Karoohuise te koop.

Helaas,  hy was sy tyd omtrent 10 jaar vooruit.  Dr Mark Ingle van Philippolis meen dat baie middelklas-burgers afgedank is na die heengaan van Apartheid in 1994.  Terselfdertyd was toegang tot breëband internet en selfone verantwoordelik vir die ontstaan van netwerke in verafgeleë gebiede.

Sedertdien het Karoodorpe ‘n konstante groei beleef in kreatiewe en intellektuele kapitaal, soos “semigrante” ou huise begin restoureer het om ‘n rustiger, meer interessante lewe weg van verkeersknope en besoedeling te ly.  In hierdie dorpe weet selfs die poskantoormense wie jou bure is.

Uittreksel uit Knapsak vol Karoo II, deur Chris Marais en Julienne du Toit (MLM Uitgewers, 2009). Vertaler: Melina Smit. Redigering: Jurie & Elsje Taljaard.

Kom kuier gerus by ons nuwe e-Boekwinkel.

, , , ,

2 Responses to Knapsak vol Karoo: Ontsnap na ‘n Karoodorp

  1. Denise Stewart July 8, 2014 at 2:29 pm #

    Do you have an English version? I received this twice but both were in Afrikaans. Thanks.

Leave a Reply